«السيسي» يروي تفاصيل ما حدث في قطاري البحيرة

بوابة الشروق 0 تعليق 0 ارسل لصديق نسخة للطباعة تبليغ

علق الرئيس عبد الفتاح السيسي، على حادثة اصطدام قطارين بمحافظة البحيرة، والتي وقعت أمس الأربعاء، قائلا: «الحادثة دي لازم نتوقف قدامها، وأنا مش عاوز أسبق أبدا علشان أخدكم في اتجاه قد يكون حقيقي، قطر البضاعة وقف والقطر اللي فيه الركاب اتحرك، أول جرار عدى اللي هو الجرار الأولاني، العربية الأولى العربية الثانية، العربية الثالثة اتفتح عليها التحويلة فبقى نص العربية في المسار الطبيعي والنص التاني يصطدم بقطر البضاعة».

وأضاف «السيسي»، في مداخلة له خلال فعاليات وضع حجر الأساس لمدينة العلمين الجديدة، اليوم الخميس: «القطر وقف طبقا لنظام التشغيل، وإذا كنت أنا بقول كلام مش مظبوط السيد وزير النقل يرد، القطر بتاع البضاعة وقف، لأن هذا الخط مفرد بتتحرك عليه ثم تتعمل تحويلات علشان تسهل الحركة، قطر الركاب اللي متحرك اتفتحله المزلقان يعدي أو اتفتحله التحويلة يعدى، عدى الجرار الأولاني اللي هو المقطورة، عدى العربية رقم 1، عدت العربية رقم 2، الثالثة والرابعة اتفتح عليها التحويلة اتغيرت في نص القطر، فبقى نص متحرك في الاتجاه السليم ونص داخل في قطر البضاعة اللي واقف».

وتابع: «لما بسأل في الموضوع، طب إزاي ده حصل ،هل ده أمر يدوي، قالو لأ، دي إشارات كهربائية، يعني المفترض دي نظم مؤمنة أكثر من اليدوي، محتاجين نراجع ده كويس ونطمن بلجنة تقول الحقائق لينا، ده عيب في النظام، عطل محتمل، أو حاجه تانية، وأنا علشان كده قولت مش عاوز أسبق، الموضوع ده برئاسة دولة المهندس إبراهيم محلب، حضرتك تتابع ده، وتعلن للناس الحكاية دي حصلت إزاي».

المصدر بوابة الشروق

إخترنا لك

أخبار ذات صلة

0 تعليق